BO NADAL!

 

DEPORTIVO E DOCE REMATE

 Como remate a toda unha semana cargadiña de actividades, que mellor maneira de facelo que con algo que xa é tradición por estas datas... O tradicional Torneo de Tenis de Mesa do CEIP Bibei!, que este ano tamén estivo acompañado do Torneo de Bádminton. Grazas á área de Educación Física por facelo posible!

O noso agradecemento a Maite e a  Rocío por agasallarnos cun riquísimo chocolate!

Deixámosvos unhas imaxes do divertida que tivemos a mañá.

                                                   Preme na imaxe

CONCERTO DIDÁCTICO

 Hoxe tocou xornada festiva!! Os nosos nenos e nenas puideron gozar en directo da variada instrumentación da música tradicional de Galicia da man dos Monifates, un dúo formado por un músico e un artesán de instrumentos tradicionais que se encarga de fabricar os instrumentos empregados nas súas actuacións. Todo un espectáculo! no que, ademáis, uns monicreques de mesa acompañaban cos seus bailes as pezas musicais. Grazas á área de Música e Danza por achegarnos esta proposta!

TORNEOS 50 ANIVERSARIO!

 Torneos 50 aniversario: torneo de bádminton e torneo de tenis de mesa. 

50 anos participando, 50 anos de deporte, 50 anos de CEIP Bibei. Por outros 50 anos máis! 

O xoves xogamos ás finais dos torneos e repartimos os agasallos. Sorte!

MAXIA PARA FIN DE TRIMESTRE

 Esta semana estamos de celebración! Co motivo do 50 aniversario do Bibei e do fin do trimestre, o alumnado gozou dun espectáculo de máxia e humor onde foron os protagonistas. 

Grazas ao Mago Paco pola súa máxia e por facernos rir  tanto! Grazas ao EDLG por achegarnos este fantástico espectáculo.

                             Preme na imaxe

Unha "Party" de autoras galegas

 Grazas ao Concello e, especialmente a Sara do CIM, por ofrecernos esta actividade tan divertida. 

A escritora Andrea Barreiro, a través dunha adaptación do xogo de mesa "Party", traballou a igualdade de homes e mulleres co alumnado de 4º, 5º e 6º. Ademais deixounos uns agasallos para a Biblio Bibei. 

Grazas, Andrea!

Logo 50 aniversario.

     Xa temos logo gañador para o 50 aniversario! Noraboa, Noa! Mereces o diploma e unha camiseta co teu logo. Parabéns.

Así conmemoramos o 20N e o 25N!

Ao longo desta semana levaremos a cabo no centro diversas actividades para conmemorar o Día Universal da Infancia (20 de novembro), e o Día Internacional Contra a Violencia de Xénero (25 novembro).

Hoxe achegamos ao noso alumnado á diversidade afectivo-sexual da man de Cristina Palacios, presidenta de ARELAS (Asociación de Familias de menores Trans), porque temos diferentes formas de ser, amar, vivir e expresar o xénero.

                                                                    Preme na imaxe

Hoxe, 25 de Novembro, no CEIP Bibei gardamos un minuto de silencio en recordo e homenaxe a todas as vítimas da violencia de xénero e como mostra de repulsa ante un problema que involucra a toda a sociedade.

E ADEMAIS....

"Non volvas máis, Sr. Teixugo!" Esta foi a proposta de conto de Ylenia, que está no noso centro facendo a súa formación práctica como mestra, para que o noso alumnado aprenda que o uso da violencia de xénero está totalmente inxustificada. Despois dunha conversa moi interesante sobre o conto, escollemos o noso personaxe favorito para colorear.

Logo 50 Aniversario

 O alumnado de 6º participa no concurso "Crea o teu logo". O logo gañador será o logo do 50 aniversario do noso centro. Sorte!

Festa do magosto

ESTAMOS DE ANIVERSARIO!!

 

                 50 anos fomentando a educación de varias xeracións.

                            50 anos de ensinanza e adicación.

                                    Este curso celebrámolo!

SAMAÍN 22-23

 O CEIP Bibei sente tristura  polo que aconteceu esta noite na praza; pero preferimos quedarnos coa ledicia da celebración do Samaín no noso cole, e queremos compartila con vós.

BENVIDOS AO CURSO 2022-23

 Estimadas familias:

Damos comezo a un novo curso escolar con moita ilusión, e co desexeo de que todo se desenvolva coa maior normalidade posible. Estamos seguros de que coa colaboración familia-escola todo vai saír ben. Dende o centro seguiremos poñendo todos os medios e esforzos posibles para garantir que os vosos fillos e fillas teñan o entorno máis seguro posible para o exercicio do seu dereito á educación.

O alumnado incorporarase á aulas o vindeiro xoves, día 8 de setembro, tal e como se recolle na Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia.

O horario de entrada o día 8 será o seguinte:

• 3 anos (horario de adaptación)
• 09:15h - 09:30h: Infantil 4 anos e 5 anos
• 09:30h - 09:45h: 1º e 2º Curso
• 10:00h - 10:15h: 3º e 4º Curso
• 10:15h -10:30h: 5º e 6º Curso

O alumnado transportado pode facer uso do mesmo dende o primeiro día.

NOTA RECORDATORIA: Lembren que segue aberto o prazo para solicitar a colaboración no comedor escolar ata o  8 de setembro.

Un afectuoso saúdo.

ACTIVIDADES FIN DE CURSO

 Coma tódolos anos, o mes de xuño estivo cargadiño de actividades. Aquí vos deixamos as últimas, nas que os nosos nenos e nenas disfrutaron  a tope!!

Este ano conseguimos de novo sobrepasar os  1.000euros de racaudación. Acadamos os 1.035 EUROS!!

Noraboa a todos e todas que o fixestes posible!!

O alumnado de 4º, 5º e 6º realizou a IV Ruta MTB co percorrido alto de Penouta-Viana. 

O día 22 rematabamos o curso escolar cunha xornada de xogos no pavillón de deportes. Foi unha boa despedida de curso onde os nosos nenos e nenas o pasaron XENIAAALLL!!!

O noso agradecemento a Pinchacarneira por facer posible a xornada e pola súa colaboración sempre.

                             BO VERÁN!!

OS NOSOS GRADUADOS DE 6º EDUCACIÓN INFANTIL

 Noraboa aos nenos e nenas de 6º de Educación Infantil que o vindeiro curso iniciarán a Etapa de Primaria.

Así de guapísimos e guapísimas estaban na súa graduación!!!

O ALUMNADO DE 6º DE PRIMARIA DESPÍDESE DO CEIP BIBEI!

 O pasado 16 de xuño o alumnado de sexto do CEIP BIBEI celebraron a súa graduación. Foi un día moi especial para eles, para os mestres e familias, porque despois de 9 anos marchan do colexio. O acto estivo moi emotivo, entrañable e divertido. Houbo momentos  de ledicia e festa, pero tamén de nostalxia, lembrando todo o que vivimos estes anos e sabendo que esta etapa educativa rematou.

Desexámoslle a todos un futuro cheo de éxitos e aprendizaxe. Este cole terá sempre as portas abertas para vós, que voltedes  para contarnos  que estades a cumprir os vosos soños...Voade alt , queridos estudantes e nunca deixedes de aprender!

Aquí vos deixamos  un álbum de fotos  con algunhas imaxes destes momentos.

Excursión Corax Fauna-Aquarium de A Coruña

 O alumnado de 1º, 2º, 3º e 4º de primaria realizou unha saída a Corax Fauna de Paderne (Betanzos) e ao Aquarium de A Coruña.

Aínda que o tempo non acompañou pola mañá, os cativos e cativas desfrutaron moito durante toda a xornada.

“VIANA NO CAMIÑO” CHEGA A COMPOSTELA

 Esta semana o alumnado de 5º e 6º chegaba a Santiago de Compostela. Comezaban esta última andaina en Bandeira, xa dende alí a choiva sería unha das protagonistas que os acompañaría nesta recta final. Logo de facer noite en Outeiro, e tras outra longa xornada, o alumnado chegaba á praza do Obradoiro, que sería testemuña da emoción dos nosos nenos e nenas. 

Unha viaxe intensa, na que o alumnado tivo contacto con outras culturas, coñeceu  máis de cerca o noso patrimonio e materializou os contidos traballados na aula. Ademáis de visitar a Catedral e o seu museo, tiveron a oportunidade de acceder aos tellados da mesma, un dos momentos máis impresionantes para eles. Na visita ao Pórtico da Gloria puideron tomar máis consciencia da importancia e magnitude desta obra, da  que dende a Área de Educación Musical levaron a cabo un traballo de investigación sobre “Os instrumentos musicais do Pórtico” e que ademais tiveron a oportunidade de visitar no Pazo de Fonseca grazas á exposición “Os sons da pedra”.

Sen dúbida, unha experiencia única, de superación, amizade e compañerismo. Grazas a todos os que a fixéstedes posible!! Bo Camiño!! 

TALLERES CRUZ VERMELLA

 Rematamos os talleres da Cruz Vermella traballando as habilidades sociais e aprendendo algo máis de como xestionar as nosas emocións.

O noso agradecemento á Cruz Vermella, especialmente a Naty, por todo o que levamos aprendido neste curso e polo divertido que foi.

 

AO ALUMNADO DE 6º ENCÁNTALLE A TECNOLOXÍA!

 O alumnado de 6º curso de Educación Primaria participou nun obradoiro teórico-práctico de tecnoloxías maker titulado "Iniciación á creación con Makey Makey e á electrónica creativa" organizado por Interreg, emprende makers e a Deputación de Ourense.

Resultou unha actividade  interesante, motivadora e moi divertida. Preme na imaxe!

“100 KM DE CAMIÑO - 100 KG DE AXUDA”

 Rematamos este 2º trimestre da mellor maneira, facendo unha segunda entrega aos novos veciños procedentes dende Ucrania a Petín, A Rúa e Trives. 

Esto foi posible á impresionante resposta recibida por parte de toda a comunidade educativa á iniciativa do profe Pepe.

Esto fai ao CEIP Bibei máis grande!!

ALIMENTACIÓN E HÁBITOS SAUDABLES

 Grazas á Cruz Vermella e a Nati por achegarnos ao centro os obradoiros sobre alimentación e hábitos saudables. 

CELEBRACIÓN DO DÍA DA ÁRBORE

 Aínda que o Día da Árbore foi o pasado 21 de marzo, hoxe puidemos levar a cabo no centro uns obradoiros nos que o alumnado aprendeu a importancia de coidar a natureza e o importante papel que teñen as árbores. 

Dámoslles as grazas pola súa visita ao axente Xosé Manuel e a todos os que o acompañaron.

100 KM DE CAMIÑO - 100 KG DE AXUDA

 Simultaneamente á realización da 2ª etapa do Camiño de Santiago que levaron a cabo os  maiores do cole, no centro tiña lugar o inicio da recollida de alimentos para as familias  de Ucrania que xa están entre nós.

Enorgullécenos a solidariedade de toda a comunidade educativa. Moitísimas grazas a todos e todas pola vosa colaboración, especialmente felicitar ao mestre de Educación Física por esta bonita iniciativa.

Esto fai ao CEIP Bibei máis grande!!!

                                   Alumnado preparando co mestre de EF os lotes para repartir.

"VIANA NO CAMIÑO": 2ª ETAPA (Dozón-Bandeira)

 Esta semana levamos a cabo a 2ª etapa do Camiño de Santiago: Dozón - A Laxe -Bandeira. Foron dous intensos días onde o cansazo ao final do día sempre estivo acompañado de ledicia e satisfacción.

8M-Día da Muller

 Para conmemorar o 8M - Día da Muller, leváronse a cabo uns talleres coeducativos co alumnado de Educación Infantil e Educación Primaria

Agradecemos un ano máis ao CIM pola súa proposta deste contacontos e a Pinchacarneira polo seu bo facer.

ENTROIDO 2022

 Este curso escolar retomamos o desfile de Entroido polas rúas da nosa localidade. O folión, os disfraces, a ilusión dos nenos e nenas reflectidos neste vídeo e nestas fotos. FELIZ ENTROIDO¡