Esta semana o alumnado de 5º e 6º asistíu a unha ponencia sobre agricultura ecolóxica e industrializada.
Tivemos a sorte de contar con Secundino Fernández Fernández, Xefe da Sección OAC de Viana do Bolo, e dous produtores ecolóxicos locais: Nieves Fernández Vidueira, gandeira ovina ecolóxica, e Xulio Vizcaya Somoza, apicultor ecolóxico; que ademais de explicarlles as diferencias entre os dous tipos de agricultura souberon transmitirlles o amor, o orgullo e o respecto pola terra. Moitas grazas aos tres.
Esta actividade é previa á participación deste alumnado no Proxecto aprobado polo Ministerio de Educación en colaboración co Centro de Educación Ambiental en Viérnoles (Cantabria), que terá lugar a semana do 22 ao 26 de maio, no que poderán levar a cabo unha gran variedade de actividades. E onde compartirán experiencia co CEIP Maestra Teodora de Marchamalo, Guadalaxara.