FIN DE CURSO

Dende o Equipo Directivo do CEIP Bibei desexámosvos a toda a comunidade educativa unhas felices vacacións.

As clases reanudaranse o 11 de setembro ás 9:15h.

ANIVERSARIOS DE 3 ANOS

Xa temos 4 anos!!!

O CORPO 3 ANOS

Apareceu un esqueleto desmontado en clase e puxémosnos a invetigar, como o podiamos  montar.

                                                                         Ver VÍDEO

VERMES DE SEDA DE 3 ANOS

Chegaron ovos de vermes de seda á clase, Naia era a encargada de traer as follas de moreira, tivemos a sorte de ver todo o ciclo.

                                                                                                                           Descarga AQUÍ

SOMOS ARTISTAS 3 ANOS

Descubrimos a KANDINSKY, MONDRIAN E ARCIMBOLDO.

                                                                                                                            Descarga AQUÍ

EXPERIENCIAS EN 3 ANOS

A neve chegou a Viana, foi todo un acontecemento. Puidemos tocala, ata fixemos un boneco de neve, eso si, a profe fíxonos pensar que lle podiamos poñerlle ollos, boca….

Aparecían notas, investigamos sobre os indios e chegou unha caixa que tiña un tipi e a nosa mascota.

Plantamos diferentes sementes, pero tiñamos un gran traballo en equipo por diante e contamos coa colaboración da profe Laura. Mentres uns clasificaban as sementes, outros escribían os nomes dos compañei@s, dous buscaban no ordenador con Laura os nomes das sementes para identificalos e outro grupo escribía o nome das sementes e finalmente plantamos.

                                                                                                                            Descarga AQUÍ

II Ruta de MTB Ciclo-escolar.

O día 21 de maio realizouse no centro a II Ruta de MTB Ciclo-escolar, onde o alumnado de 5º e 6º de EP realizou unha ruta de bicicletas para así por en marcha o aprendido nas xornadas de Educación Vial e practicar as normas de circulación. Esta, tivo unha duración aproximada de 3 horas, onde as vías utilizadas foron camiños, carreteras secundarias e primarias, así como as rúas da vila de Viana do Bolo.

           

Carreira Solidaria.

Como cada ano dende vai unha década, tivo lugar no CEIP Bibei, o día 13 de xuño a “CARREIRA SOLIDARIA”. Nesta participou todo o alumnado do centro, os cativos da Galiña Azul e as familias. O obxectivo foi recaudar donacións para a ONG “Save the children”. Moitas grazas a todos e todas por participar e colaborar.

CEIP BIBEI DE VIANA DO BOLO , JORNADA DE EDUCACIÓN VIAL.

Xornada de Educación Vial no Ceip Bibei

O día 14 de xuño o alumnado do CEIP Bibei participou, un ano máis, nas Xornadas de Educación Vial, xunto a escolares dos colexios da Veiga, Vilariño de Conso e os alumnos de 1º de ESO do IES Carlos Casares. O noso patio converteuse nun escenario de distintas actividades. Este ano contamos coa participación do helicóptero e a Garda Civil da DXT; coa Protección Civil, a Policía Local e o 061 de Viana do Bolo; o GES o camión de bombeiros e a cruz vermella da Gudiña.

Correcións de erros no menú de xuño

APRENDENDO CON JORGE, GABI E ANTONIO

     Grazas a visita de Jorge e Gabi aprendemos moitísimo sobre o entroido en Viana e             pasámolo xenial, tamén temos que agradecer a colaboración de Marisol e o profe Pepe,       xunto con Mauro ao bombo (son do bombo) Que sorte tivemos!!!

     

As alumnas de sexto de primaria Sara González Conde e Arancha Rodríguez Diéguez quedaron finalistas  do 38 Concurso “ ¿ Qué es un rey para ti ?  Organizado pola Fundación Institucional Española e patrocinado pola Fundación Orange.

A entrega de premios tivo lugar na Escola Galega da Administración Pública ( EGAP ) en Santiago de Compostela. A este evento acudiu a Conselleira de Educación, o representante de FIES e o representante institucional  de Orange.

 Foi unha magoa que Sara e Arancha non puideran asistir ao acto por estar de excursión de fin de curso en Madrid. No seu lugar recolleron os premios as súas nais acompañadas pola súa titota .

Parabéns para as dúas polos vosos traballos!!!!  

Arancha Rodríguez Diéguez

Sara González Conde.

         

Visita do alumnado de sexto ao IES Carlos Casares

O martes  o alumnado de sexto de primaria achegouse  ao IES Carlos Casares para celebrar a Feira das Ciencias  e ter un día de convivencia no centro cos futuros compañeiros e profesores.

Participaron na Feira das Ciencias , xunto cos alumnos da Veiga, Vilariño e  A Gudiña, cos seus experimentos científicos; percorreron as distintas instalacións do centro; e foron informados das diferentes actividades, actos , excursións, etc.. polos alumnos de 1º da ESO.

Asistiron a unha conferencia sobre o cerebro impartida  polo gran comunicador  Xurxo Mariño , biólogo especializado en neurociencia.

Moitas grazas aos profesores pola súa amabilidade e a súa acollida  aos futuros alumnos de primeiro da ESO.

                                                                          

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                 

Día das letras galegas: Antón Fraguas.

Circuíto Lúdico - lector.

 O 16 de maio celebramos “  O día das letras galegas “  no Ceip Eduardo Ávila Bustillo da Veiga. Participamos, no circuíto lúdico - lector , o Ceip Bibei, o Ceip San Martiño e o Ceip Eduardo A. Bustillo.

O tema escollido para a realización do circuíto foi “ As nosas lendas “. Recollimos lendas dos tres concellos para elaborar as actividades e os xogos dos obradoiros e tamén traballamos a vida e obras do autor agasallado, Antón Fraguas. Algúns dos obradoiros nos que os alumnos e alumnas participaron foron : “Os escornabots “, “ Que medre a lingua “, “ A pesca das lendas “, “ A xoiaría “ , “ Quen sabe máis …” ,  “As tres en liña “, “ Recordando a Veiga “, etc…  Unha morea de actividades de carácter lúdico para que o alumnado puidera desfrutar e aprender ao mesmo tempo.

Para rematar o evento contamos coa actuación do  Mago Rafa que asombrou a grandes e pequenos cos seus trucos onde a imaxinación, ilusión e fantasía foron os ingredientes principais.

Dende o EDL queremos dar as grazas  a todos os compañeiros/as  e alumnado pola súa colaboración e entusiasmo  na realización do circuíto lúdico – lector.

Quen sabe máis de ...?

Os escornabots

O Mago Rafa