O venres, día 18, o alumnado de terceiro
e cuarto recibiron a visita de Xulio, pai dunha alumna de terceiro, Marinha, para falarnos sobre o seu traballo como apicultor . Xulio trouxo unha colmea chea de sorpresas! Explicounos
como viven as abellas; as partes dunha colmea e a súa función; como elaboran
as abellas o mel nas colmeas e; como extraen os apicultores o mel. Os nenos e
nenas puideron probar o traxe e observar o afumador que empregan para traballar preto das abellas; probaron o pole que é extraido duns saquiños das patas das abellas cando entran nas colmeas. Ficamos abraiados con tódalas cousas que aprendemos! Xulio falounos das enfermidades que na actualidade
poden por en perigo a vida da colmea e da necesidade de coidar o noso entorno para protexer o seu habitat.
Queremos darlle as grazas a Xulio por
compartir connosco o seu tempo e axudarnos a coñecer un pouquiño mellor a súa
labor como apicultor e a importancia de valorar os recursos que temos ao noso alcance.
.
