Xa como remate de curso, só nos queda felicitar ao noso alumnado polo gran traballo feito cos petos solidarios, nos que xuntaron a incrible cantidade de:
1300 Euros RECORD ABSOLUTO DE RECADACIÓN!!!
Parabéns a todo o alumnado, sodes o noso orgullo!!!!! Boas vacacións!!!
E chegou o fin do curso escolar 2022-2023, que celebramos con distintas actividades tales como as graduacións de 6º curso de infantil e 6º curso de primaria, festas nas aulas e xogos na piscina municipal.
Ata o vindeiro curso 2023-2024!!
Esta semana, no CEIP Bibei tivemos a sorte de desfrutar dun concerto a cargo do grupo de guitarras da Escola Municipal de Música do Concello de Viana do Bolo.
O noso agradecemento a todos e todas, especialmente aos seus profesores, Rubén e Alex.
Ao longo deste curso escolar 2022-23 celebramos o 50 Aniversario do CEIP Bibei, que empezou o seu funcionamento no curso 1972-73, coa Lei Xeral de Educación. Para ilo programamos distintas actividades, que comezaron xa a levarse a cabo no primeiro trimestre, tales como o mural para a entrada do centro, a confección do logo oficial, a formación do número 50 co alumnado no patio, actividades lúdico-culturais, fotografías e vídeos das distintas xeracións de alumnado que pasaron polo centro e unha exposición de material didáctico e impreso destes anos de ensinanza. Rematamos cunha comida homenaxe no comedor do colexio na que participou o antigo e actual profesorado e persoal non docente, antigos alumnos e alumnas e familias da comunidade educativa. Aquí tedes unha mostra de ditas actividades.
Este ano, ao espírito solidario da carreira temos que sumarlle a celebración do 50 aniversario do noso centro. Para conmemoralo quixemos que o percorrido fose tamén especial, así que abrimos as portas do patio e continuamos a nosa carreira ata a praza da vila pola rúa das Mazairas.
Moitas grazas a todos os que nos acompañastes nun día tan especial!
Preme na imaxe
