NOVAS NAS MEDIDAS COVID-19

•  Actualización do protocolo de vixilancia e control epidemiolóxico.

• Protocolo para a detección de infección polo SARS-CoV-2 con test rápido de antíxeno en saliva.

• Adaptación da guía de actuación ante a aparición de casos de Covid-19 nos centros educativos.

• Proposta de reforzo e adaptación das medidas de prevención COVID-19.

O noso Club de Ciencia

 Neste curso 2021-2022, no CEIP Bibei de Viana do Bolo fomos elixidos para participar por primeira vez no programa de innovación educativa "Club de Ciencia" da Xunta de Galicia. O noso obxectivo é estimular no alumnado o espíritu científico, impulsar vocacións STEM e desenvolver nos rapaces, e sobre todo nas rapazas, o interese pola ciencia para que nun futuro elixan estudos científicos.

Participamos todo o centro, dende 4º de educación infantil ata 6º de educación primaria, con distintas experiencias e achegas científicas que desenvolveremos ao longo de todo o curso, segundo aparece de forma esquemática no seguinte panel, ademais doutras actividades que incluimos no proxecto, e tamén as que vaian xurdindo ao longo da súa implementación práctica.

E para empezar... nada mellor que introducir ao alumnado no mundo da ciencia e no método científico a través dos seguintes vídeos:

1. QUE É A CIENCIA?

2. QUE É O MÉTODO CIENTÍFICO?

3. A PEQUENA PROGRAMADORA DE HUESCA.

4. PARA CANTAR E BAILAR  COA CIENCIA.