Rematamos este primeiro trimestre do curso escolar 2020/2021, un curso diferente pero non por iso menos motivador e gratificante. Nestas datas do Nadal quixemos manter a tradición do Festival no colexio, aínda que de forma diferente. Aquí tedes unhas mostras do traballo dos nosos alumnos e alumnas e así desexarvos unhas Felices Festas e un Bo Ano Novo 2021. Grazas a todos pola vosa colaboración e implicación, que fixo posible chegar con éxito ata este momento.
O claustro de mestres e mestras.
Un ano máis nestas datas celebramos o concurso de postais de Nadal. Todos os alumnos e alumnas do centro participaron nesta actividade, decorando cos seus traballos os corredores do centro. Aquí tedes as postais gañadoras de cada curso, coas que vos desexamos un Feliz Nadal.
Noraboa a todos e todas!!
O día 3 de decembro, dende a área de Educación Física e dentro do Proxecto de vida activa e deportiva do Plan Proxecta, organizouse a actividade "Campo a través polo Bibei" co fin de fomentar a actividade deportiva dentro do centro.
O CEIP Bibei foi un dos 27 centros educativos beneficiarios do Proxecto de Fenda Dixital que Endesa puxo en marcha dentro do seu Plan de Responsabilidade Pública contra a Covid-19, coa finalidade de aliviar a situación das familias en situación de especial vulnerabilidade. A entrega de dous equipos informáticos levouse a cabo o día 25 de novembro, ás 11:00 h. na Central Hidroeléctrica de San Agostiño. O noso agradecemento a esta iniciativa de Endesa.
O CEIP BIBEI di NON á violencia de xénero.
Un ano máis dúas alumnas deste centro quedan finalistas no Certame “¿Qué es un rey para ti?”
As gañadoras foron Ainara Pérez Barba e Amelia Pérez Busto, de sexto curso, que quedaron finalistas da 39ª Edición.
Este certame foi organizado pola Fundación Institucional Española e patrocinado pola Fundación Orange.
Esta edición corresponde co curso 2019/2020. Debido a situación sanitaria que estamos atravesando a gala tivo que ser aprazada ata este mes de novembro e fíxose de maneira telemática.
Parabéns chicas polos vosos traballos e por eses agasallos que tanto vos gustaron.
Ánimo e a seguir participando..
Estimadas familias;
No suposto de educación a distancia ante posibles confinamentos, o centro utilizará as aulas virtuais, nas que o profesorado realizará o seguimento do alumnado impartindo os coñecementos de cada materia e controlando diariamente a participación dos nenos/as.
No seguinte enlace aparecen os horarios de conexión diaria do alumnado de cada grupo cos distintos mestres/as, que supón o 60% do horario lectivo. Este tempo de conexión é de obrigado cumprimento para todos os alumnos/as do centro e en todas as materias. Neste tempo usaranse distintas ferramentas de comunicación (como plataformas de videoconferencia institucionais) e aulas virtuais. O resto do tempo adicarase á elaboración de tarefas (por parte do alumnado) e á programación e corrección de actividades (por parte do profesorado).
