ENTROIDO 2022

 Este curso escolar retomamos o desfile de Entroido polas rúas da nosa localidade. O folión, os disfraces, a ilusión dos nenos e nenas reflectidos neste vídeo e nestas fotos. FELIZ ENTROIDO¡

EXCURSIÓN Á ESTACIÓN DE MONTAÑA DE MANZANEDA

 Un ano máis o CEIP Bibei participou no programa Esquiou da Deputación de Ourense.

Nesta viaxe embarcáronse 19 alumnos e alumnas dos cursos de 3º, 4º, 5º e 6º. Foron tres días nos que puideron disfrutar da  neve e de diferentes actividades de sendeirismo, piscina, tiro con arco, etc.

Agardamos poder seguir participando en vindeiros cursos.

                                                                      Preme na imaxe.

XOVES DE COMPADRES

 Aquí vos deixamos unha mostra de como vivimos o Xoves de Compadres no CEIP Bibei. 

O noso agrademento  ao IES por virnos a visitar.

CARREIRA PROVINCIAL DE CAMPO A TRAVÉS

 Vinte e catro alumnos e alumnas do CEIP Bibei acudiron á proba provincial que se celebrou en Ribadavia o domingo día 13 de febreiro, na área deportiva do Xestal.

Tres equipos completos defenderon o pavillón  deportivo do centro na categoría Benxamín Masculino e Feminino; e outro na categoría Alevín Feminino.

O resto dos integrantes da expedición reforzaron os equipos federados do ADAS do Barco.

Os resultados foron estupendos, destacando o  4º e  o 5º posto acadados na categoría Benxamín Feminino e Masculino respectivamente (Nenos e nenas de 2º e 3º de educación primaria.).

Por outra banda, tres atletas do centro (Carla, Noa e Carmen), clasificáronse para acudir ao Campionato Galego de C.A.T. que se celebrará este domingo 20 de Febreiro de 2022. BOA SORTE RAPAZAS!!

NOVAS DO EQUIPO COVID

 Información a cerca das últimas modificacións sobre a  obrigatoriedade do uso da mascarilla no centro.        

                                                                                 PREME NA IMAXE

 

"VIANA NO CAMIÑO": 1ª ETAPA (Orense- Cea-Dozón)

No marco do Proxecto de Centro "Viana no Camiño", nacido dende a biblioteca do centro, levouse a cabo unha saída co alumnado de 5º e 6º de Primaria promovida polos departamentos de Educación Física e Relixión en colaboración coas titoras de 5º e 6º.

Este mércores día 9 de xaneiro, este grupo de alumnos e alumnas acompañado de varios mestres e mestras chegaba á catedral de Ourense, onde eran recibidos polo bispo Don Leonardo, quen lles desexou un "Bo camiño!". E así daba comenzo a 1ª etapa do camiño, con esta primeira xornada dende Ourense ata Cea, que continuaría ao seguinte día  dende Cea ata Dozón.

Foron dous intensos días de convivencia, compañeirismo e superación, nos que todo saíu de marabilla, e onde a pesares de haber momentos duros, nunca se perdeu o sorriso e a ilusión. 

Felicidades, queridos nenos e nenas, polo voso exemplar comportamento, e que tamén nos trasladaron as xentes dos lugares polos que pasastes. 

Grazas a todos os mestres e mestras que fan este proxecto realidade. O noso agradecemento tamén para ás familias por acollelo con ilusión.

                                                                  Catedral de Ourense

                                                 Despois de andar un par de quilómetros...

Cea, empezando a 2ª xornada.

 

A MULLER NA CIENCIA

 O venres 11 de febreiro para conmemorar "O Día Internacional da Muller e Nena na Ciencia" fixémolo cun obradoiro de experimentos titulado "A Ciencia en Movemento", a cargo de Amparo e Suso, que de forma moi sinxela e ilustrativa explicáronlle ao alumnado de 4º, 5º e 6º de primaria a pouca visibilidade que tiveron destacas mulleres desde sempre no ámbito científico.

Descubriron grandes inventos e a contribución dos mesmos ao desenvolvemento e ben da humanidade, pero que inxustamente foron atribuídos a homes pola sociedade patrialcal existente.

O noso agradecemento ao CIM do Concello de Viana do Bolo, que fixo posible a realización deste obradoiro.

                                                                       Preme na imaxe.

TALLER "PILABOT"

 O noso centro este ano participa por primeira vez no Concurso Pilabot, promovido pola Consellería de Medioambiente, Territorio e Vivenda, en colaboración con outras institucións cuxo obxectivo é que o alumnado e persoal docente do centro adquira os coñecementos necesarios e tome conciencia sobre a importancia da RECICLAXE DAS PILAS.

Para empezar quentando motores, realizamos un obradoiro teórico-práctico sobre as pilas e a súa reciclaxe, que resultou ser moi interesante e motivador para o alumnado.

Para gañar o concurso temos que recoller a maior cantidade de pilas posible durante seis semanas.

DÍA DA PAZ 21-22