Taller de primeiros auxilios: Pupas, sustos y otros disgustos.
O alumnado de 3º e 4º participaron na actividade de primeiros
auxilios levada a cabo por profesionais de enfermería pertencentes á Xerencia
de Xestión Integrada de Ourense, Verín e
o Barco de Valdeorras. A finalidade da actividade é que os nenos e nenas
adquiran nocións básicas de primeiros auxilios a través da práctica e o xogo.
Nos obradoiros, partindo do xogo e a práctica, o alumnado aprendeu a enfrontarse a situacións da vida cotiá como: Curar feridas, tratar unha queimadura, por unha venda, facer un masaxe cardiaco, medir a temperatura, colocar a unha persoa na posición de seguridade despois dun accidente, etc…
A actividade, na súa totalidade, resultou moi motivadora, interesante e útil para todos. Queremos dar as grazas e felicitar ás enfermeiras e ao enfermeiro, que
impartiron os obradoiros, pola súa implicación e entusiasmo cos nenos e nenas nas
actividades e a boa disposición durante todo o tempo .